Sakhi Mand Zalya Tarka / सखी मंद झाल्या तारका, आता तरी येशिल का?
सखी मंद झाल्या तारका, आता तरी येशील का ?
मधुरात्र मंथर देखणी, आली तशी गेली सुनी
हा प्रहर अंतिम राहिला, त्या अर्थ तू देशिल का ?
हृदयात आहे प्रीत अन् ओठांत आहे गीत ही
ते प्रेमगाणे छेडणारा, सूर तू होशिल का ?
जे जे हवे ते जीवनी, ते सर्व आहे लाभले
तरी ही उरे काही उणे, तू पूर्तता होशिल का ?
बोलावल्यावाचूनही मृत्यू जरी आला इथे
थांबेल तो ही पळभरी, पण सांग तू येशिल का ?
English
Sakhi mnd jhaalya taaraka, ata tari yeshil ka ?
Madhuraatr mnthar dekhani, ali tashi geli suni
Ha prahar antim raahila, tya arth tu deshil ka ?
Hridayaat ahe prit an othhaant ahe git hi
Te premagaane chhedanaara, sur tu hoshil ka ?
Je je hawe te jiwani, te sarw ahe laabhale
Tari hi ure kaahi une, tu purtata hoshil ka ?
Bolaawalyaawaachunahi mrityu jari ala ithe
Thaanbel to hi palabhari, pan saang tu yeshil ka ?