|

Kase Sartil Saye Mazya Vina Dis Tuze / कसे सरतील सये, माझ्यावीना दिस तुझे


Kase Sartil Saye Mazya Vina Dis Tuze / कसे सरतील सये, माझ्यावीना दिस तुझे

कसे सरतील सये, माझ्यावीना दिस तुझे
सरताना आणि सांग सलतील ना ?
गुलाबाचे फुलं दोन, रोज राती डोळ्यांवर
मुसुमुसु पाणी सांग भरतील ना ?

पावसाच्या धारा धारा, मोजताना दिस सारा
रितेरिते मन तुझे उरे, ओठभर हसे हसे
उरातून वेडेपिसे, खोल खोल कोण आंत झुरे
आता जरा अळीमिळी, तुझी माझी व्यथा निळी
सोसताना सुखावून हसशील ना ?

कोण तुझ्या सौधातून्, उभे असे सामसूम
चिडीचूप सुनसान दिवा, आता सांज ढळेलच
आणि पुन्हा छळेलच, नभातून गोरा चांदवा
चांदण्यांचे कोटी कण, आठवांचे ओले सण
रोज रोज नीजभर भरतील ना ?

इथे दूर देशी, माझ्या सुन्या खिडकीच्यापाशी
झडे सर कांचभर तडा, तुच तुच तुझ्या तुझ्या
तुझी तुझी तुझे तुझे, सारा सारा तुझा तुझा  सडा
पडे माझ्या वाटेतून, आणि मग काट्यातून
जातांनाही पायभर मखमल ना ?

आता नाही बोलायाचे, जरा जरा जगायाचे
माळूनीया अबोलीची फुले, देहभर हलू देत
वीजेवर डुलू देत, तुझ्या माझ्या विरहाचे झुले
जरा घन झुरू दे ना, वारा गुदमरू दे ना
तेंव्हा नभ धरा सारी भिजवेल ना ?

English

Kase saratil saye, maajhyaawina dis tujhe
Sarataana ani saang salatil na ?
Gulaabaache fuln don, roj raati dolyaanwar
Musumusu paani saang bharatil na ?

Paawasaachya dhaara dhaara, mojataana dis saara
Riterite man tujhe ure, othhabhar hase hase
Uraatun wedepise, khol khol kon ant jhure
Ata jara alimili, tujhi maajhi wyatha nili
Sosataana sukhaawun hasashil na ?

Kon tujhya saudhaatun, ubhe ase saamasum
Chidichup sunasaan diwa, ata saanj dhalelach
Ani punha chhalelach, nabhaatun gora chaandawa
Chaandanyaanche koti kan, athhawaanche ole san
Roj roj nijabhar bharatil na ?

Ithe dur deshi, maajhya sunya khidakichyaapaashi
Jhade sar kaanchabhar tada, tuch tuch tujhya tujhya
Tujhi tujhi tujhe tujhe, saara saara tujha tujha  sada
Pade maajhya waatetun, ani mag kaatyaatun
Jaataannaahi paayabhar makhamal na ?

Ata naahi bolaayaache, jara jara jagaayaache
Maaluniya abolichi fule, dehabhar halu det
Wijewar dulu det, tujhya maajhya wirahaache jhule
Jara ghan jhuru de na, waara gudamaru de na
Tenwha nabh dhara saari bhijawel na ?

Similar Posts

Leave a Reply

Your email address will not be published. Required fields are marked *